واحدة من أكبر وأهم نتائج القمة العربية التي عقدت في بغداد مؤخراً : مذكرة تفاهم وتعاون مع جزر القمر..!
2012-04-03 :: إعداد: الرابطة العراقية ::
مبارك للشعب العراقي، ومليار دولار مصاريف القمة وطياح الحظ صارلنا اسبوعين مراحت بلاش.. وكولوا ابو السبح والعتاكة مو سياسين محنكين ....!! كان من أهم نتائج القمة أن محافظ بغداد السيد صلاح عبد الرزاق احد فطاحل حزب الدعوة، وقع يوم الجمعة مذكرة (تفاهم) مع جمهورية جزر القمر لتعزيز التعاون الثقافي والاجتماعي والشبابي وقضايا المرأة بين البلدين.
وقال صلاح عبد الرزاق في بيان إنه "وقع مع حاكم جزيرة القمر الكبرى في جمهورية جزر القمر موني بركة سيد صالح مذكرة تفاهم لتعزيز التعاون الثقافي والاجتماعي والشبابي والقضايا التي تخص المرأة"، معربا عن أمله بـ"توقيع اتفاقيات مماثلة لتعزيز التعاون وبما يخدم أهالي بغداد.
خلي بلله ناخذلنه صفنه.. نتفاهم على شنو ويه جزر القمر؟ ليش هو منو يعرف وين صايرة أصلا ؟ هسه أتحدى 30 مليون عراقي إذا أكو أخو خيته يعرفها وينها عالخريطة..! زين تفاهم على شنو؟ يصدرولنا موز مثلا بسعر تفضيلي؟ لو يسوونا دورات نتعلم منهم لغة الواق واق ؟ زين فهموني شلون يصير التعاون بين المرأة العراقية والقمرية؟ الله يستر من تاليتها..!!
آني بس خاف من شغلة وحدة لا نعلم شعب جزر القمر عاللطم والقامة والمسيرات المليونية وولاية السفيه.. كلشي يصير بهالدنيا إذا حزب الدعوة يحكم العراق.. وإنا لله وإنا اليه راجعون..!
باقي بنفسي سؤال واحد: بعد توقيع مذكرة التفاهم راح تقبل جزر القمر العراقيين لجووووء ؟! إذا تقبل حتى نسويها (بشرى سارة) لجميع العراقيين ونخلي السرة لأبو موزة كدام السفارة الجزر قمرية.. (إذا هيجي تنكتب)..؟!!
 |
|
|
 |
|
|
